ਕੈਨੇਡਾ ਵਿੱਚ ਨਵਾਂ ਅਧਿਆਇ ਸ਼ੁਰੂ ਕਰਨ ਦੀ ਇੱਛਾ ਰੱਖਣ ਵਾਲੇ ਬਹੁਤ ਸਾਰੇ ਲੋਕਾਂ ਲਈ—ਚਾਹੇ ਵਿਦਿਆਰਥੀ, ਕਾਮੇ ਜਾਂ ਪੱਕੇ ਨਿਵਾਸੀ ਵਜੋਂ—ਕੈਨੇਡਾ ਇਮੀਗ੍ਰੇਸ਼ਨ ਲਈ ਮੈਡੀਕਲ ਜਾਂਚ ਇੱਕ ਬੁਨਿਆਦੀ ਲੋੜ ਹੈ।
ਇਹ ਮੁਲਾਂਕਣ ਯਕੀਨੀ ਬਣਾਉਂਦਾ ਹੈ ਕਿ ਨਵੇਂ ਆਏ ਲੋਕ ਕੈਨੇਡੀਅਨ ਅਧਿਕਾਰੀਆਂ ਵੱਲੋਂ ਲੋੜੀਂਦੇ ਸਿਹਤ ਮਿਆਰ ਪੂਰੇ ਕਰਦੇ ਹਨ। ਇਸ ਪ੍ਰਕਿਰਿਆ ਦੀਆਂ ਬਾਰੀਕੀਆਂ ਨੂੰ ਸਮਝਣਾ ਸੁਖਾਲੀ ਤਬਦੀਲੀ ਅਤੇ ਸਫਲ ਅਰਜ਼ੀ ਲਈ ਜ਼ਰੂਰੀ ਹੈ।
ਇਹ ਲੇਖ ਟੋਰਾਂਟੋ ਵਿੱਚ ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਦੀ ਤਿਆਰੀ ਕਰ ਰਹੇ ਲੋਕਾਂ ਲਈ ਇੱਕ ਪੂਰੀ ਚੈੱਕਲਿਸਟ ਦਿੰਦਾ ਹੈ, ਜੋ ਹਰ ਕਦਮ ਉੱਤੇ ਸਪਸ਼ਟਤਾ ਅਤੇ ਮਾਰਗਦਰਸ਼ਨ ਦਿੰਦੀ ਹੈ।
ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਲਈ ਯੋਗਤਾ
ਕੈਨੇਡੀਅਨ ਪੱਕੀ ਰਿਹਾਇਸ਼ ਲਈ ਅਰਜ਼ੀ ਦੇਣ ਵਾਲੇ ਬਹੁਤੇ ਬਿਨੈਕਾਰਾਂ ਲਈ, ਅਤੇ ਛੇ ਮਹੀਨਿਆਂ ਤੋਂ ਵੱਧ ਸਮੇਂ ਲਈ ਕੈਨੇਡਾ ਵਿੱਚ ਫੇਰੀ, ਪੜ੍ਹਾਈ ਜਾਂ ਕੰਮ ਕਰਨਾ ਚਾਹੁਣ ਵਾਲੇ ਹੋਰ ਬਹੁਤ ਸਾਰੇ ਲੋਕਾਂ ਲਈ ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ (IME) ਇੱਕ ਲਾਜ਼ਮੀ ਸ਼ਰਤ ਹੈ।
ਬਿਨੈਕਾਰਾਂ ਨੂੰ ਹਮੇਸ਼ਾ ਇਮੀਗ੍ਰੇਸ਼ਨ, ਰਫਿਊਜੀਜ਼ ਐਂਡ ਸਿਟੀਜ਼ਨਸ਼ਿਪ ਕੈਨੇਡਾ (IRCC) ਤੋਂ ਪਤਾ ਕਰਨਾ ਚਾਹੀਦਾ ਹੈ ਕਿ ਕੀ ਉਨ੍ਹਾਂ ਨੂੰ ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਦੀ ਲੋੜ ਹੈ। ਚਾਹੇ ਅਰਜ਼ੀ ਪੱਕੀ ਰਿਹਾਇਸ਼, ਪਰਿਵਾਰਕ ਸਪਾਂਸਰਸ਼ਿਪ, ਰਫਿਊਜੀ ਦਾਅਵੇ, ਸਟੂਡੈਂਟ ਵੀਜ਼ੇ ਜਾਂ ਵਰਕ ਪਰਮਿਟ ਲਈ ਹੋਵੇ, ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਲੋੜੀਂਦੀ ਹੋ ਸਕਦੀ ਹੈ।
ਕੁਝ ਕਿਸਮ ਦੀਆਂ ਅਰਜ਼ੀਆਂ ਵਿੱਚ, ਤੁਸੀਂ ਆਪਣੀ ਅਰਜ਼ੀ ਦੀ ਤਿਆਰੀ ਵਜੋਂ IRCC ਨੂੰ ਅਰਜ਼ੀ ਦੇਣ ਤੋਂ ਪਹਿਲਾਂ ਅਗਾਊਂ (ਅਪਫਰੰਟ) ਮੈਡੀਕਲ ਜਾਂਚ, ਯਾਨੀ ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ, ਕਰਵਾਉਣ ਦੇ ਯੋਗ ਹੋ।
ਆਪਣੀ ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਕਿੱਥੇ ਤੈਅ ਕਰੀਏ
ਆਪਣੀ IME ਬੁੱਕ ਕਰਨ ਲਈ ਤੁਹਾਨੂੰ ਸਿੱਧਾ ਪੈਨਲ ਡਾਕਟਰ ਨਾਲ ਸੰਪਰਕ ਕਰਨਾ ਪਵੇਗਾ। ਟੋਰਾਂਟੋ ਵਿੱਚ ਦੋ ਕਲੀਨਿਕ ਉਪਲਬਧ ਹਨ, ਦੋਵੇਂ ਸਿੱਧੇ TTC ਸਬਵੇਅ ਸਟੇਸ਼ਨਾਂ ਉੱਤੇ, ਜੋ ਮਾਰਖਮ, ਸਕਾਰਬਰੋ, ਨੌਰਥ ਯਾਰਕ ਅਤੇ ਇਟੋਬੀਕੋ ਸਮੇਤ ਜੀ.ਟੀ.ਏ. ਦੀ ਸੇਵਾ ਕਰਦੇ ਹਨ। ਯਕੀਨੀ ਬਣਾਓ ਕਿ ਤੁਸੀਂ ਆਪਣੀ ਮੁਲਾਕਾਤ ਕਿਸੇ ਪ੍ਰਵਾਨਿਤ ਪੈਨਲ ਡਾਕਟਰ ਕੋਲ ਹੀ ਬੁੱਕ ਕਰੋ, ਤਾਂ ਜੋ ਤੁਹਾਡੀ ਜਾਂਚ ਵੈਧ ਹੋਵੇ।
ਜਾਂਚ ਦੀ ਤਿਆਰੀ: ਕੀ ਲਿਆਉਣਾ ਹੈ
IME ਨੂੰ ਸੁਖਾਲਾ ਬਣਾਉਣ ਲਈ ਤੁਹਾਨੂੰ ਕਈ ਜ਼ਰੂਰੀ ਚੀਜ਼ਾਂ ਲਿਆਉਣੀਆਂ ਪੈਣਗੀਆਂ:
- ਦਸਤਖ਼ਤ ਵਾਲਾ, ਸਰਕਾਰ ਵੱਲੋਂ ਜਾਰੀ ਫੋਟੋ ਪਛਾਣ-ਪੱਤਰ (ਮਿਸਾਲ ਵਜੋਂ, ਪਾਸਪੋਰਟ);
- ਮੌਜੂਦਾ ਦਵਾਈਆਂ ਦੀ ਪੂਰੀ ਸੂਚੀ;
- ਮੌਜੂਦਾ ਜਾਂ ਪਿਛਲੀਆਂ ਬਿਮਾਰੀਆਂ ਨਾਲ ਸਬੰਧਤ ਮੈਡੀਕਲ ਰਿਪੋਰਟਾਂ ਅਤੇ ਟੈਸਟ ਨਤੀਜੇ;
- ਨੁਸਖ਼ੇ ਵਾਲੀਆਂ ਐਨਕਾਂ, ਕਾਂਟੈਕਟ ਲੈਂਜ਼ ਜਾਂ ਨਜ਼ਰ ਦੇ ਹੋਰ ਸਾਧਨ।
ਜੇ ਤੁਹਾਡੀ ਅਰਜ਼ੀ ਲਈ ਅਗਾਊਂ ਮੈਡੀਕਲ ਜਾਂਚ ਲੋੜੀਂਦੀ ਨਹੀਂ, ਤਾਂ ਕੈਨੇਡਾ ਸਰਕਾਰ ਲੋੜੀਂਦੇ ਫਾਰਮ ਦੇਵੇਗੀ, ਜਿਵੇਂ IMM1017E। ਸਾਡਾ ਦਫ਼ਤਰ eMedical ਨਾਲ ਜੁੜਿਆ ਹੋਇਆ ਹੈ ਅਤੇ ਮੁਲਾਕਾਤ ’ਤੇ ਆਉਣ ਤੋਂ ਪਹਿਲਾਂ ਪਾਸਪੋਰਟ ਫੋਟੋਆਂ ਦੀ ਲੋੜ ਨਹੀਂ।
ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਦੌਰਾਨ ਕੀ ਉਮੀਦ ਕਰਨੀ ਹੈ
ਪਛਾਣ ਦੀ ਤਸਦੀਕ
ਪਹੁੰਚਣ ’ਤੇ, ਫੋਟੋ ਅਤੇ ਦਸਤਖ਼ਤ ਵਾਲਾ ਸਰਕਾਰ ਵੱਲੋਂ ਜਾਰੀ ਪਛਾਣ-ਪੱਤਰ ਵਿਖਾਓ, ਜਿਵੇਂ ਪਾਸਪੋਰਟ, ਡਰਾਈਵਿੰਗ ਲਾਇਸੈਂਸ ਜਾਂ ਰਾਸ਼ਟਰੀ ਪਛਾਣ ਕਾਰਡ। ਤੁਹਾਡੀ eMedical ਪ੍ਰੋਫਾਈਲ ਲਈ ਇੱਕ ਫੋਟੋ ਵੀ ਖਿੱਚੀ ਜਾਵੇਗੀ।
ਮੈਡੀਕਲ ਇਤਿਹਾਸ ਪ੍ਰਸ਼ਨਾਵਲੀ
ਪੈਨਲ ਡਾਕਟਰ ਤੁਹਾਡੇ ਮੈਡੀਕਲ ਇਤਿਹਾਸ ਬਾਰੇ ਪੁੱਛੇਗਾ, ਜਿਸ ਵਿੱਚ ਤੁਹਾਡੇ ਵੱਲੋਂ ਇਸ ਵੇਲੇ ਲਈਆਂ ਜਾ ਰਹੀਆਂ ਦਵਾਈਆਂ ਵੀ ਸ਼ਾਮਲ ਹਨ। ਆਪਣੀਆਂ ਦਵਾਈਆਂ ਅਤੇ ਸਬੰਧਤ ਮੈਡੀਕਲ ਰਿਕਾਰਡ ਆਪਣੀ ਮੁਲਾਕਾਤ ’ਤੇ ਨਾਲ ਲਿਆਓ।
ਸਰੀਰਕ ਜਾਂਚ
ਸਰੀਰਕ ਜਾਂਚ ਵਿੱਚ ਇਹ ਸ਼ਾਮਲ ਹਨ:
- ਭਾਰ ਅਤੇ ਕੱਦ ਦਾ ਮਾਪ
- ਸੁਣਨ ਸ਼ਕਤੀ ਅਤੇ ਨਜ਼ਰ ਦੇ ਟੈਸਟ
- ਬਲੱਡ ਪ੍ਰੈਸ਼ਰ ਦੀ ਜਾਂਚ
- ਦਿਲ ਅਤੇ ਫੇਫੜਿਆਂ ਦੀ ਆਵਾਜ਼ ਸੁਣ ਕੇ ਜਾਂਚ
- ਪੇਟ ਦੀ ਜਾਂਚ
- ਅੰਗਾਂ ਦੀ ਹਰਕਤ ਦਾ ਮੁਲਾਂਕਣ
- ਚਮੜੀ ਦੀ ਹਾਲਤ ਦੀ ਜਾਂਚ
ਬਿਨਾਂ ਚੀਰ-ਫਾੜ ਵਾਲੇ ਇਹ ਟੈਸਟ ਸਿਹਤ ਦਾ ਪੂਰਾ ਮੁਲਾਂਕਣ ਯਕੀਨੀ ਬਣਾਉਂਦੇ ਹਨ। ਧਿਆਨ ਦਿਓ ਕਿ ਗੁਪਤ ਅੰਗਾਂ ਅਤੇ ਗੁਦਾ ਦੀ ਜਾਂਚ ਇਸ ਪ੍ਰਕਿਰਿਆ ਦਾ ਹਿੱਸਾ ਨਹੀਂ ਹੈ।
ਮਾਨਸਿਕ ਸਥਿਤੀ ਦੀ ਜਾਂਚ
75 ਸਾਲ ਤੋਂ ਵੱਧ ਉਮਰ ਦੇ ਬਿਨੈਕਾਰਾਂ ਦੀ, ਜਾਂ ਕੁਝ ਖ਼ਾਸ ਬਿਮਾਰੀਆਂ ਵਾਲਿਆਂ ਦੀ, ਮਾਨਸਿਕ ਸਥਿਤੀ ਦੀ ਜਾਂਚ ਹੋ ਸਕਦੀ ਹੈ। ਇਹ ਮੁਲਾਂਕਣ ਕੋਈ ਆਈਕਿਊ ਟੈਸਟ ਨਹੀਂ ਹੈ ਅਤੇ ਇਸ ਲਈ ਕਿਸੇ ਖ਼ਾਸ ਤਿਆਰੀ ਦੀ ਲੋੜ ਨਹੀਂ।
ਵਾਧੂ ਟੈਸਟ
ਤੁਹਾਡੀ ਉਮਰ ਅਤੇ ਸਿਹਤ ਦੀ ਸਥਿਤੀ ਮੁਤਾਬਕ ਹੋਰ ਟੈਸਟਾਂ ਦੀ ਲੋੜ ਪੈ ਸਕਦੀ ਹੈ:
- ਛਾਤੀ ਦੇ ਐਕਸ-ਰੇ: 11 ਸਾਲ ਤੋਂ ਵੱਧ ਉਮਰ ਦੇ ਬਿਨੈਕਾਰਾਂ ਲਈ ਲਾਜ਼ਮੀ;
- ਪਿਸ਼ਾਬ ਦੀ ਜਾਂਚ: 5 ਸਾਲ ਤੋਂ ਵੱਧ ਉਮਰ ਦੇ ਬਿਨੈਕਾਰਾਂ ਲਈ;
- ਕ੍ਰਿਏਟਿਨਿਨ ਟੈਸਟ: 15 ਸਾਲ ਤੋਂ ਵੱਧ ਉਮਰ ਦੇ ਬਿਨੈਕਾਰਾਂ ਲਈ, ਜਾਂ ਗੁਰਦਿਆਂ ਦੀ ਬਿਮਾਰੀ ਵਾਲਿਆਂ ਲਈ;
- ਸਿਫਲਿਸ ਅਤੇ ਐੱਚਆਈਵੀ ਦੇ ਟੈਸਟ: 15 ਸਾਲ ਤੋਂ ਵੱਧ ਉਮਰ ਦੇ ਬਿਨੈਕਾਰਾਂ ਲਈ।
ਇਨ੍ਹਾਂ ਟੈਸਟਾਂ ਲਈ ਖਾਲੀ ਪੇਟ ਆਉਣ ਦੀ ਲੋੜ ਨਹੀਂ; ਤੁਸੀਂ ਆਪਣੀ ਆਮ ਖੁਰਾਕ ਅਤੇ ਪਾਣੀ ਪੀਣਾ ਜਾਰੀ ਰੱਖ ਸਕਦੇ ਹੋ।
ਵਿੱਤੀ ਪੱਖ: ਖ਼ਰਚਿਆਂ ਦਾ ਪ੍ਰਬੰਧ
IME ਦਾ ਖ਼ਰਚਾ ਵੱਖ-ਵੱਖ ਹੋ ਸਕਦਾ ਹੈ, ਜਿਸ ਵਿੱਚ ਮੈਡੀਕਲ ਜਾਂਚ, ਵਾਧੂ ਟੈਸਟਾਂ ਜਾਂ ਇਲਾਜਾਂ, ਅਤੇ ਲੋੜ ਪੈਣ ’ਤੇ ਮਾਹਰ ਡਾਕਟਰਾਂ ਨਾਲ ਸਲਾਹ-ਮਸ਼ਵਰੇ ਦੀਆਂ ਫ਼ੀਸਾਂ ਸ਼ਾਮਲ ਹੁੰਦੀਆਂ ਹਨ। ਆਪਣੀ ਅਰਜ਼ੀ ਦੀ ਪ੍ਰਕਿਰਿਆ ਵਿੱਚ ਕਿਸੇ ਵੀ ਦੇਰੀ ਤੋਂ ਬਚਣ ਲਈ ਯਕੀਨੀ ਬਣਾਓ ਕਿ ਤੁਸੀਂ ਜਾਂਚ ਵਾਲੇ ਦਿਨ ਇਹ ਖ਼ਰਚੇ ਭਰਨ ਲਈ ਤਿਆਰ ਹੋ।
ਕਿਰਪਾ ਕਰਕੇ ਆਪਣੀ ਮੈਡੀਕਲ ਜਾਂਚ ਦੀਆਂ ਕੀਮਤਾਂ ਇੱਥੇ ਵੇਖੋ। ਵੈਧ ਅੰਤਰਿਮ ਫੈਡਰਲ ਹੈਲਥ ਦਸਤਾਵੇਜ਼ਾਂ ਵਾਲੇ ਰਫਿਊਜੀ ਦਾਅਵੇਦਾਰ ਆਪਣੀ ਪਹਿਲੀ ਰਫਿਊਜੀ ਜਾਂਚ ਲਈ ਕੋਈ ਭੁਗਤਾਨ ਨਹੀਂ ਕਰਦੇ।
ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਦਾ ਸਮਾਂ
ਤੁਹਾਡੀ IME ਨੂੰ ਲਗਭਗ ਡੇਢ ਘੰਟਾ ਲੱਗਣ ਦੀ ਉਮੀਦ ਰੱਖੋ, ਜੋ ਇਸ ਗੱਲ ਉੱਤੇ ਨਿਰਭਰ ਕਰਦਾ ਹੈ ਕਿ ਤੁਹਾਡੇ ਉਮਰ ਵਰਗ ਲਈ ਕਿਹੜੇ ਟੈਸਟ ਲੋੜੀਂਦੇ ਹਨ। ਕੁਝ ਕਲੀਨਿਕਾਂ ਦੇ ਉਲਟ, ਛਾਤੀ ਦੇ ਐਕਸ-ਰੇ ਅਤੇ ਖ਼ੂਨ ਦੀ ਜਾਂਚ ਵਰਗੇ ਸਾਰੇ ਟੈਸਟ ਸਾਡੇ ਕਲੀਨਿਕ ਵਿੱਚ ਹੀ ਕੀਤੇ ਜਾਂਦੇ ਹਨ।
ਜੇ ਤੁਹਾਡੀ ਮੁਲਾਕਾਤ ਖੁੰਝ ਜਾਵੇ
ਜੇ ਤੁਹਾਡੀ ਤੈਅ ਕੀਤੀ IME ਮੁਲਾਕਾਤ ਖੁੰਝ ਜਾਵੇ, ਤਾਂ ਨਵਾਂ ਸਮਾਂ ਲੈਣ ਲਈ ਤੁਰੰਤ ਆਪਣੇ ਪੈਨਲ ਡਾਕਟਰ ਨਾਲ ਸੰਪਰਕ ਕਰਨਾ ਬਹੁਤ ਜ਼ਰੂਰੀ ਹੈ, ਕਿਉਂਕਿ ਦੇਰੀ ਤੁਹਾਡੀ ਇਮੀਗ੍ਰੇਸ਼ਨ ਅਰਜ਼ੀ ਦੀ ਕਾਰਵਾਈ ਉੱਤੇ ਅਸਰ ਪਾ ਸਕਦੀ ਹੈ।
ਨਾਲ ਕਿਸੇ ਸਾਥੀ ਨੂੰ ਲਿਆਉਣਾ
ਸਹਿਜਤਾ ਅਤੇ ਸਹਾਰੇ ਲਈ ਤੁਸੀਂ ਆਪਣੀ IME ’ਤੇ ਕਿਸੇ ਸਾਥੀ ਨੂੰ ਨਾਲ ਲਿਆ ਸਕਦੇ ਹੋ। ਇਹ ਤੁਹਾਡਾ ਚੁਣਿਆ ਕੋਈ ਵਿਅਕਤੀ ਹੋ ਸਕਦਾ ਹੈ, ਜਾਂ ਕਲੀਨਿਕ ਵੱਲੋਂ ਦਿੱਤਾ ਗਿਆ ਸਟਾਫ਼ ਦਾ ਕੋਈ ਮੈਂਬਰ।
ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਤੋਂ ਬਾਅਦ ਅਗਲੇ ਕਦਮ
ਆਪਣੀ IME ਪੂਰੀ ਕਰਨ ਤੋਂ ਬਾਅਦ, ਆਪਣੀ ਇਮੀਗ੍ਰੇਸ਼ਨ ਅਰਜ਼ੀ ਲਈ ਸਾਰੇ ਲੋੜੀਂਦੇ ਦਸਤਾਵੇਜ਼ ਅਤੇ ਜਾਣਕਾਰੀ ਜਮ੍ਹਾਂ ਕਰੋ ਅਤੇ ਅਗਲੀਆਂ ਹਦਾਇਤਾਂ ਦੀ ਉਡੀਕ ਕਰੋ। ਕੈਨੇਡੀਅਨ ਇਮੀਗ੍ਰੇਸ਼ਨ ਅਧਿਕਾਰੀਆਂ ਦੀ ਕਿਸੇ ਵੀ ਵਾਧੂ ਮੰਗ ਦਾ ਜਵਾਬ ਦੇਣ ਲਈ ਤਿਆਰ ਰਹੋ, ਅਤੇ ਆਪਣੇ ਸਿਹਤ ਮੁਲਾਂਕਣ ਦੇ ਨਤੀਜਿਆਂ ਬਾਰੇ ਸਵਾਲਾਂ ਲਈ ਆਪਣੇ ਪੈਨਲ ਡਾਕਟਰ ਨਾਲ ਸੰਪਰਕ ਕਰੋ; ਅਰਜ਼ੀ ਬਾਰੇ ਸਵਾਲ IRCC ਤੋਂ ਪੁੱਛੋ।
ਇਮੀਗ੍ਰੇਸ਼ਨ ਮੈਡੀਕਲ ਜਾਂਚ ਦੇ ਹਰ ਪਹਿਲੂ ਨੂੰ ਸਮਝ ਕੇ ਅਤੇ ਉਸਦੀ ਤਿਆਰੀ ਕਰਕੇ, ਤੁਸੀਂ ਇਹ ਯਕੀਨੀ ਬਣਾਉਂਦੇ ਹੋ ਕਿ ਕੈਨੇਡਾ ਵਿੱਚ ਆਪਣੀ ਨਵੀਂ ਜ਼ਿੰਦਗੀ ਵੱਲ ਇਸ ਜ਼ਰੂਰੀ ਕਦਮ ਨੂੰ ਤੁਸੀਂ ਭਰੋਸੇ ਨਾਲ ਪਾਰ ਕਰੋ।
ਕੈਨੇਡਾ ਇਮੀਗ੍ਰੇਸ਼ਨ ਲਈ ਆਪਣਾ ਮੈਡੀਕਲ ਅੱਜ ਹੀ ਤੈਅ ਕਰੋ
ਕੈਨੇਡਾ ਵਿੱਚ ਆਪਣੀ ਨਵੀਂ ਜ਼ਿੰਦਗੀ ਸ਼ੁਰੂ ਕਰਨ ਲਈ ਕਈ ਜ਼ਰੂਰੀ ਕਦਮ ਪੂਰੇ ਕਰਨੇ ਪੈਂਦੇ ਹਨ, ਜਿਨ੍ਹਾਂ ਵਿੱਚ ਇਮੀਗ੍ਰੇਸ਼ਨ ਲਈ ਲੋੜੀਂਦੀ ਮੈਡੀਕਲ ਜਾਂਚ ਵੀ ਸ਼ਾਮਲ ਹੈ। Immigration Medical Toronto ਵਿੱਚ ਅਸੀਂ ਖ਼ਾਸ ਸੇਵਾਵਾਂ ਦਿੰਦੇ ਹਾਂ, ਤਾਂ ਜੋ ਤੁਸੀਂ ਇਸ ਅਹਿਮ ਲੋੜ ਨੂੰ ਸੌਖਿਆਂ ਪੂਰਾ ਕਰ ਸਕੋ।
ਅਸੀਂ ਗ੍ਰੇਟਰ ਟੋਰਾਂਟੋ ਏਰੀਆ ਭਰ ਵਿੱਚ — ਟੋਰਾਂਟੋ, ਮਿਸੀਸਾਗਾ, ਬਰੈਂਪਟਨ, ਮਾਰਖਮ, ਸਕਾਰਬਰੋ, ਨੌਰਥ ਯਾਰਕ ਅਤੇ ਹੋਰ ਥਾਵਾਂ ਉੱਤੇ — ਪਰਵਾਸੀਆਂ, ਰਫਿਊਜੀਆਂ, ਅਤੇ ਪੱਕੇ ਅਤੇ ਅਸਥਾਈ ਦੋਵਾਂ ਕਿਸਮਾਂ ਦੇ ਨਿਵਾਸੀਆਂ ਦੀ ਸੇਵਾ ਕਰਨ ਵਾਲੇ ਇੱਕ ਵਿਸ਼ੇਸ਼ ਸੇਵਾ ਪ੍ਰਦਾਤਾ ਵਜੋਂ ਵੱਖਰੇ ਨਜ਼ਰ ਆਉਂਦੇ ਹਾਂ।
ਸਾਡੇ ਪ੍ਰਮਾਣਿਤ ਪੈਨਲ ਡਾਕਟਰਾਂ ਕੋਲ ਇਹ ਯਕੀਨੀ ਬਣਾਉਣ ਲਈ ਗਿਆਨ ਅਤੇ ਸਾਧਨ ਹਨ ਕਿ ਤੁਹਾਡੀ ਜਾਂਚ ਸੁਖਾਲੀ ਰਹੇ ਅਤੇ ਇਮੀਗ੍ਰੇਸ਼ਨ, ਰਫਿਊਜੀਜ਼ ਐਂਡ ਸਿਟੀਜ਼ਨਸ਼ਿਪ ਕੈਨੇਡਾ (IRCC) ਵੱਲੋਂ ਤੈਅ ਕੀਤੀਆਂ ਸਾਰੀਆਂ ਲੋੜਾਂ ਪੂਰੀਆਂ ਕਰੇ। ਆਪਣੀ ਮੁਲਾਕਾਤ ਤੈਅ ਕਰਨ ਲਈ ਅੱਜ ਹੀ ਸਾਨੂੰ 416-463-2438 ’ਤੇ ਫ਼ੋਨ ਕਰੋ, ਜਾਂ ਹੋਰ ਜਾਣਕਾਰੀ ਲਈ ਇੱਥੇ ਸਾਡੇ ਨਾਲ ਸੰਪਰਕ ਕਰੋ।