Mahalaga ang Canadian immigration medical exam (IME) para sa lahat ng nagbabalak manatili sa Canada nang mahigit anim na buwan o sa mga nagtatrabaho sa sektor ng kalusugan, edukasyon, o serbisyong panlipunan. Sa artikulong ito, magbibigay kami ng impormasyon tungkol sa pangkalahatang takdang panahon ng medical exam, kabilang ang aasahan sa bawat yugto at ang tagal nito. Gayunman, maaaring mag-iba ang tagal ng pagproseso ng imigrasyon sa Canada depende sa kung aling mga test ang hinihingi ng inyong aplikasyon.
Bakit kailangan kong magpa-medical exam?
Natural lang na magtaka kung bakit kailangan ninyo ng medical exam, lalo na kung sigurado kayong malusog kayo at/o ang inyong pamilya. Gayunman, hinihingi ng Immigration, Refugees and Citizenship Canada (IRCC) ang pagtatasang ito para sa mga nagbabalak pumasok sa Canada nang anim na buwan o higit pa.
Ito ang layunin nito:
- Mahalagang matukoy kung may kasalukuyang kondisyong medikal ang isang tao na maaaring magdulot ng panganib sa kalusugang pampubliko o sa kaligtasan ng kapwa taga-Canada, na maaaring hindi alam ng aplikante.
- Matukoy kung maaaring magdulot ang mga kondisyong medikal ng labis na pangangailangan sa mga serbisyong panlipunan o sa sistema ng pangangalagang pangkalusugan ng Canada.
Permanent residency, pagtatrabaho, pagbisita, at pag-aaral sa Canada
Karamihan sa mga nagnanais ng permanent residency ay kailangang mag-book ng IME. Kabilang din dito ang mga gustong mag-aral, magtrabaho, o bumisita sa Canada nang anim na buwan o higit pa. Maaaring hindi kailangan ng IME ang mga mananatili sa Canada nang wala pang anim na buwan, o dadaan lang sa Canada papunta sa ibang bansa.
Kung hindi kayo sigurado kung kailangan ninyo ng immigration medical exam, kumpirmahin po sa IRCC ang tungkol sa inyong personal na sitwasyon.
Pagtatrabaho sa sektor ng kalusugan, edukasyon o serbisyong panlipunan
Kung mananatili kayo sa Canada nang wala pang anim na buwan, maaaring hindi ninyo kailangan ng IME. Gayunman, kung hindi kayo sigurado, laging pinakamainam na magtanong sa isang mapagkakatiwalaang mapagkukunan. Makipag-ugnayan sa IRCC kung may tanong kayo tungkol sa inyong personal na kalagayan.
Bukod dito, kung nagtatrabaho kayo sa isang hanapbuhay kung saan kailangang protektahan ang kalusugang pampubliko, kailangan ninyong mag-book ng medical exam sa isang panel physician ayon sa mga medikal na requirement ng Canada, gaano man katagal ang inyong pananatili.
Inilalapit kayo ng mga posisyong ito sa ibang tao, at bago kayo makapagsimulang magtrabaho, maaaring kailanganin ninyong matiyak na hindi kayo nagdudulot ng panganib sa kalusugang pampubliko. Kabilang sa mga nangangailangan ng IME ang mga sumusunod:
- Mga manggagawa sa pangangalagang pangkalusugan
- Mga tagapag-alaga ng pasyente sa mga tahanan para sa matatanda o bahay-kalinga
- Mga manggagawa sa clinical lab
- Mga estudyante ng medisina na nag-aaral sa unibersidad sa Canada
- Mga doktor at medical elective na nasa panandaliang locum
- Mga manggagawa sa mga paaralang elementarya o sekondarya o sa mga lugar ng pag-aalaga ng bata
- Mga taong nagbibigay ng pangangalaga sa loob ng tahanan sa matatanda, may kapansanan, at mga bata
- Mga manggagawa sa daycare
- Iba pang katulad na hanapbuhay
- Kailangan ding magpa-IME ang mga manggagawa sa agrikultura na nanirahan o bumisita sa mga bansang ito nang tuloy-tuloy nang mahigit anim na buwan bago pumunta sa Canada.
Mga yugto ng IME at takdang panahon ng medical exam
May dalawang uri ng medical exam: standard at streamlined. Ang mga streamlined na medical exam ay pinasimpleng exam na maaaring hilingin sa ilalim ng mga partikular na sitwasyong operasyonal (krisis pantao o iba pang pambihirang sitwasyong itinakda ng IRCC).
Hindi maaaring pumili ang isang tao ng isang exam sa halip na ang isa pa. Ipapaalam sa inyo ng IRCC kung aling exam ang kailangan.
Maaaring isagawa ang inyong IME bago o pagkatapos kayong mag-apply (upfront medical exam). Kabilang sa maaaring magpa-exam nito ang mga mag-aaral, magtatrabaho, at bibisita (super visa ng mga magulang/lolo’t lola) nang anim na buwan o higit pa sa Canada. Kakailanganin ninyong direktang kontakin ang isang panel physician.
Mangangailangan ang inyong medical exam para sa imigrasyon sa Canada ng mga sumusunod na hakbang:
Pagkuha ng medical history
Tatanungin kayo ng aming mga panel physician tungkol sa inyong medical history, kabilang ang mga pangmatagalang sakit, mga naunang operasyon, o pagkaka-ospital.
Pisikal na eksaminasyon
Sa hakbang na ito, nagsasagawa ang panel physician ng mga pagsukat at mga test na hindi invasive para suriin ang:
- Paningin at pandinig
- Taas at timbang
- Baga at puso
- Galaw ng mga braso at binti
- Kondisyon ng tiyan (marahang pinipindot ng doktor ang inyong tiyan para suriin ang mga partikular na organ)
- Kondisyon ng balat
Pagtatasa ng kalusugang pangkaisipan
Sinusuri ng hakbang na ito ang inyong kalusugang pangkaisipan. Hindi ito IQ test, ngunit sinusuri nito ang mga palatandaan ng mga kondisyong saykayatriko na maaaring maglagay sa inyo o sa ibang taga-Canada sa panganib pagkapasok ninyo sa bansa.
Iba pang test
Sinusuri ng mga lab test ang mga aplikante para sa mga nakahahawang sakit na maaaring magdulot ng panganib sa kalusugang pampubliko. Magsasagawa ang panel physician ng blood test para i-screen ang mga sakit na nakalista sa ibaba:
- Syphilis (mahigit 15 taong gulang)
- HIV (para sa mga taong mahigit 15 taong gulang)
- Creatinine, isang test ng paggana ng bato (para sa mga mahigit 15)
Maraming immigration medical exam ang nangangailangan ng chest X-ray para i-screen ang mga nakahahawang sakit, na maaaring magdulot ng panganib sa kalusugang pampubliko, at ang tuberculosis. Kailangan ng chest X-ray ang mga taong 11 taong gulang pataas. Bukod dito, kailangang magpa-blood test ang mga 15 taong gulang pataas.
Ang takdang panahon
Bagaman mukhang maraming kasangkot sa pagpapa-immigration medical exam, ang mga test (pisikal na eksaminasyon, chest X-ray, at blood test) ay tumatagal nang mga 1.5 oras sa kabuuan. Kinukumpleto ang lahat ng pagsusuri sa iisang bisita sa aming mga klinika. Nakadepende ang kakailanganing tagal sa kung kailangan ninyo ng karagdagang pagsusuri.
Sa Immigration Medical Toronto, isinasagawa namin ang lahat ng pamamaraang ito sa isa sa aming mga lokasyon. Dahil nag-aalok kami ng pagsusuri sa loob mismo ng klinika, nakukumpleto namin ang lahat sa iisang bisita.
Ano ang mangyayari pagkatapos ng exam?
Kapag tapos na, direkta naming ipinapadala sa IRCC ang inyong mga resulta gamit ang eMedical. Isinusumite ang mga resulta sa loob ng 10 araw ng kalendaryo. Bibigyan kayo ng inyong panel physician ng dokumentong nagpapatunay na nagpa-medical exam kayo. Tiyaking itago ito bilang patunay na natapos ninyo ang inyong IME.
Agad na tumugon sa anumang kahilingan ng IRCC para sa karagdagang impormasyon habang pinoproseso nila ang inyong aplikasyon. Maaari rin kayong kontakin ng aming opisina pagkatapos ng inyong eksaminasyon kung may natitira o nakabinbing test.
Mag-book sa Immigration Medical Toronto para sa inyong IME
Dalubhasa ang Immigration Medical Toronto sa IME para sa mga refugee, imigrante, at mga permanente/pansamantalang residente ng Canada na naninirahan sa GTA. Aprubado ng IRCC ang aming klinika at nasa amin ang lahat ng kailangan para makumpleto ang IME.
Bukod dito, pinagsisilbihan kayo ng aming staff sa Ingles, Mandarin, Cantonese, Pranses, Farsi, Koreano at Tagalog. Bagaman maaaring mag-iba ang takdang panahon ng medical exam, handa ang aming mga opisina na asikasuhin nang mabilis ang proseso.
Para mag-book ng appointment, kontakin kami sa 416-463-2438 mula Lunes hanggang Biyernes sa pagitan ng 9:00 a.m. at 5:00 p.m., at tuwing Sabado sa pagitan ng 9:00 a.m. at 12:00 p.m. (Broadview) o 3:00 p.m. (Bay). Maaari rin kayong mag-email sa amin sa admin@immigrationmedtoronto.com o makipag-ugnayan sa amin online.