Hindi simple ang imigrasyon sa Canada. Maaaring masalimuot ang pagdaan dito, dahil kasangkot ang iba’t ibang sangay, gaya ng mga propesyonal sa batas, mga ahensya ng gobyerno, at mga propesyonal sa medisina. Kaya naman nagbibigay ng mahalagang serbisyo sa proseso ang mga panel physician na aprubado ng gobyerno, sa pamamagitan ng pagbibigay sa mga aplikante ng medical exam para sa imigrasyon sa Canada.
Sa 30 taon ng karanasan ng Immigration Medical Toronto, hindi na mabilang ang mga eksaminasyong naibigay namin sa mga imigrante sa Toronto at sa GTA. Tinutulungan namin ang mga tao sa pagpapasimple ng proseso para matiyak na nasa kanila ang lahat ng kailangan kapag nag-a-apply para sa kanilang Immigration Medical Exam (IME). Aprubado ng IRCC ang aming mga panel physician at sertipikado silang magsagawa ng mga eksaminasyon.
Ano ang IRCC (Immigration, Refugees and Citizenship Canada)?
Tinutulungan ng IRCC ang mga bagong imigrante at nag-aalok ito ng mga programa. Pinamamahalaan nito ang lahat ng usaping may kinalaman sa imigrasyon sa Canada. Dating kilala bilang CIC (Citizenship and Immigration Canada), pinalitan ang pangalan nito ng IRCC noong 2015. Sa pagpapalit ng pangalan nito, sinimulang pagtuunan ng Canada ang lahat ng aspekto ng mga motibo sa imigrasyon.
Mga aspekto ng IRCC
Ito ang tatlong aspekto ng IRCC:
- Imigrasyon: Tumutukoy ang larangang ito sa pagiging bukas-palad ng Canada sa pagtanggap sa mga bagong imigrante, at inilalahad nito ang kapwa pakinabang para sa mga indibidwal at sa ating bansa. Direktang nakikinabang sa mga trabaho ang mga taong pumupunta sa Canada, na nagbibigay-daan sa paglago ng ekonomiya ng bansa.
- Pagkamamamayan: Kasama sa landas tungo sa pagiging mamamayan ng Canada ang suporta ng Canada sa mga taong pansamantalang naninirahan sa Canada at nais maging permanenteng mamamayan. Pinahihintulutan silang mag-apply para sa pagkamamamayan.
- Mga refugee: Mainit na bukas ang Canada sa mga refugee at sa mga imigranteng tinatanggap dahil sa makataong dahilan. Sa patuloy na pagbaba sa buong mundo ng pagtanggap sa mga refugee, nagpatupad ang Canada ng inisyatibang magbigay ng suporta at maayos na kalidad ng buhay.
Nagbibigay ang Canada ng pantay na pagkakataon sa mga may iba’t ibang relihiyon at kultura. Nagsisikap tayong maging mapayapang bansa na walang diskriminasyon, para makapamuhay nang maginhawa ang mga pumapasok dito.
Ano ang mga panel physician na awtorisado ng IRCC?
Ang mga panel physician ay mga sertipikadong doktor na nagbibigay ng medical examination sa mga taong nag-a-apply para mandayuhan sa Canada. Kailangan ang IME para sa mga naghahangad makakuha ng kanilang permanent residency, gayundin para sa mga pansamantalang manggagawa, estudyante, at bisita. Bukod dito, tanging doktor na aprubado ng gobyerno ang maaaring magsagawa ng IME. Hindi ito maisasagawa ng inyong regular na doktor.
Nag-aalok ang mga panel physician ng napakaraming medical exam at test na hinihingi ng proseso ng imigrasyon sa Canada. Kabilang sa mga exam ang pagsusuri para sa mga nakahahawang sakit (tuberculosis) at mga karagdagang test para matiyak na malusog ang mga tao at kaya nilang umangkop sa pamumuhay sa Canada.
Mga dapat malaman tungkol sa mga IRCC panel physician
1. Saan makikita ang listahan ng mga panel physician?
Makahahanap ang mga tao ng mga doktor na aprubado ng gobyerno sa pagbisita sa website ng IRCC. May kasangkapan sa paghahanap ang kanilang pahina na nagbibigay-daan sa inyong maghanap ng mga panel physician ayon sa lungsod, postal code, o bansa. Pinananatiling napapanahon ang impormasyon tungkol sa mga awtorisadong indibidwal sa buong mundo.
Bukod dito, maaari ninyo itong i-book sa Immigration Medical Toronto.
2. Ugnayan sa IRCC
Umaasa ang IRCC sa mga sertipikadong panel physician para kumpletuhin ang IME kapag kinakailangan ito bilang bahagi ng imigrasyon. Kapag nag-apply ang isang tao para mandayuhan, kailangan niyang magpa-IME. Nagsisimula ang proseso sa pag-abiso sa inyo ng IRCC tungkol sa requirement na ito at sa pagbibigay ng listahan ng mga panel physician na malapit sa inyong tirahan.
Ang susunod na hakbang ay ang pag-iskedyul ng appointment sa isang doktor sa loob ng tiyak na panahon para maisagawa ang inyong IME.
3. Ang proseso ng IME
Pagdating ninyo, kailangan ninyong magpakita ng valid na ID at sagutan ang maikling talatanungan tungkol sa medical history. Dalhin ang lahat ng inyong kasalukuyang gamot at ang mga medical report tungkol sa inyong medical history mula sa alinmang dati ninyong tagapagbigay ng pangangalagang pangkalusugan.
Pagkatapos ay isasagawa ng mga panel physician ang mga sumusunod na medical exam at test:
- Pisikal na eksaminasyon na hindi invasive: Kinakalap ang datos tungkol sa taas, timbang, paningin, pandinig, at medical history. Tinatasa ng mga panel physician ang galaw ng inyong mga braso at binti, ang inyong tiyan, ang kondisyon ng balat, at ang tunog ng baga at puso. Hindi susuriin ng doktor ang bahagi ng tumbong o ng ari.
- Chest X-ray: Kailangan ang chest X-ray para sa mga mahigit 11 taong gulang. Nagbibigay kami ng serbisyong X-ray sa mismong lugar para mapabilis ang proseso at para sa inyong kaginhawahan.
- Pagsusuri ng kalagayang pangkaisipan: Mahalaga ang test na ito para sa mga taong 75 pataas o may ilang partikular na kondisyong medikal. Hindi ito nangangailangan ng paghahanda at hindi ito IQ test.
- Test para sa syphilis at HIV: Mahalaga ito para sa mga taong mahigit 15 taong gulang.
- Test para sa creatinine: Kailangan ang exam na ito para sa mga taong mahigit 15 o may dati nang kondisyon sa bato.
4. Paano iniuulat ang aking mga resulta?
Kapag natapos ng aming mga panel physician ang inyong mga test, ipapadala sa IRCC ang inyong report na naglalahad ng inyong mga resulta. Direkta naming isinusumite ang inyong mga resulta sa Immigration, Refugees and Citizenship Canada sa loob ng 10 araw ng kalendaryo. Agad ding ibibigay sa inyo ng aming staff ang inyong eMedical Information Sheet na nagpapatunay na natapos ninyo ang exam, na magagamit ninyo para sa inyong aplikasyon.
Kapag natanggap na, ginagamit ng IRCC ang impormasyon para sa pangkalahatang pagtatasa ng inyong imigrasyon. Depende sa kanilang pagsusuri, maaari nilang hingin na sumailalim kayo sa karagdagang medical examination.
5. Ang panel physician ko ba ang nagpapasya sa aking aplikasyon?
Hindi gumagawa ng anumang desisyon ang mga panel physician tungkol sa inyong aplikasyon. Ang tanging tungkulin nila ay isagawa ang inyong IME at mag-ulat sa IRCC. Ang IRCC ang nagpapasya sa resulta ng inyong aplikasyon batay sa mga resulta ng inyong IME at sa karagdagang impormasyong ibinigay sa inyong aplikasyon sa imigrasyon.
Bakit piliin ang Immigration Medical Toronto?
Mahalagang hakbang ang pagpili ng tagapagbigay ng serbisyo para sa inyong IME. May 30 taon kami ng karanasan, at malawak ang pag-unawa ng aming mga panel physician sa mga requirement ng gobyerno.
Tutulungan kayo ng aming team sa bahaging medikal ng inyong aplikasyon. Itinalaga ng IRCC ang aming mga panel physician, at pinananatili namin ang mataas na pamantayan sa buong exam ninyo.
Pinagsisilbihan kayo ng aming staff sa Ingles, Mandarin, Cantonese, Pranses, Farsi, Koreano at Tagalog. Sinisikap ng aming mga eksperto na maging komportable ang bawat kliyente sa buong proseso.
Nagbibigay rin ng maginhawang pangangalaga ang aming pasilidad. Nag-aalok ito ng kumpletong serbisyo para sa lahat ng pangangailangan sa IME. Isinasagawa namin ang lahat ng mahahalagang test sa iisang lugar, kabilang ang X-ray at pagkuha ng dugo. Dahil nakukumpleto ang lahat sa iisang lokasyon, natatapos ang bahaging medikal ng inyong aplikasyon sa iisang bisita.
Paano mag-book ng inyong medical para sa imigrasyon sa Canada
Para i-iskedyul ang inyong appointment para sa medical para sa imigrasyon sa Canada, kontakin po ang Immigration Medical Toronto sa 416-463-2438 o gamitin ang aming pahina para sa online booking.